So maak ‘n goeie Fondsbestuurder

So maak ‘n goeie Fondsbestuurder

Die afgelope 12 maande was besonders interressant omdat dit duidelik die wispelturigheid van beleggers se psigologie ontbloot. Die oormate beleggers is emosie gedrewe, terwyl die korrekte beleggingsstrategie met fundamentele inligting behoort te werk. ‘n Jaar gelede het beleggers desperaat gesoek na maniere om hulle geld buite Suid-Afrika te belê. Dit toe die rand R15.60/US$ teen die Amerikaanse dollar verhandel het. Die rand verhandel nou R 13.60/US$ teen die dollar wat dit nou meer aantreklik maak om geld oor te vat, maar die blyk dat die behoefte om oorsee te belê het afgeneem het. Die fundamentele oorsig die afgelope 12 maande het oorwegend dieselfde gebly; soos: 1. Die te kort op die lopende rekening is min of meer dieselfde as ‘n jaar gelede, 2. ons fiskaalse beleid het nie verander nie en 3. verder lyk dit steeds nie asof President Zuma so maklik gaan boedel oorgee nie – ten spyte van verdoemende getuienis teen hom van korrupsie en verbreking van die land se konstitusie nie. Dit, terwyl beleggers meer positief geraak het. Dit wys maar net dat die (emosionele) behoeftes van beleggers hulle dikwels anders sal laat belê as fundamentele feite. Dieselfde gevolgtrekking sal ook gemaak kan word van die aandele markte wat teen alle verwagting in gegroei het; kommoditeite het die laaste jaar verdubbel en selfs vertrippel terwyl die Chinese vraag (wat basies die enigste faktor is wat saak maak as dit by kommoditeite kom) tegnies steeds aan die afneem is. Verder neem die wêreld se skuldvlakke net toe. Dit is alles is fundamentele feite wat eintlik die aanduiding moet gee dat aandele se groei moet afneem terwyl die teendeel gebeur.
Dit sê maar net een ding: niemand kan korttermyn bewegings in die mark voorspel nie. ‘n Goeie fondsbestuurder is daarom ook ‘n goeie risiko-bestuuder. Die wat die markte uit presteer het altyd ‘n langtermyn strategie waar kapitaal beskerm word; dan sorg die groei vir homself.

Share this post

Leave a Reply